Pages

Thursday, April 27, 2017

भावि गाउँपालिका र नगरपालिका

गाउँ होस या वजार । सडक होस या गल्लि । चोक होस या आँगन । जहाँ चार जना उभिएका छन् त्यहाँ चुनावको कुरा भइरहेको छ । उम्मेद्वार र भावि दिन / दीन, अवसर र चुनौतीका कुरा चर्कदै गएका छन् । लाग्छ हामी नेपालीहरु कति सचेत छौ । कसैले कसैलाई केही सिकाइरहनै पर्दैन । भावि गाउँपालिका र नगरपालिकामा कस्तो उम्मेद्वार हुनु पर्छ । उसले के कस्तो काम गर्नु पर्छ । सवै सवै थाहा छ हामीलाई । कुन टोलमा कसको भोट कति छ । घाम झैं छर्लङ्ग छ ।
फेसवुक, भाइवर, च्याटीङ र डेटिङमा झुमीरहेको टिनएजर्सको लागि यो चुनाव पहिलो प्रयास र अभ्यास पनि हो । यस मध्यका केही समुहलाई यो निरस कविता जत्तिकै विरक्त लाग्दो विषय वनेको  छ । तर यही चुनाव केहीका लागि युरोपवाट छोरा छोरीले पठाइदिएको भिजिट भिजामा त्याहाँ  पुगेर कालो चस्मा, छोटो कट्टु, समुद्रको किनार, अनि यूरोपियन नारीहरुको विकनी र हाउभाउ लुकी लुकी हेर्ने ६० वर्षे बाको कौतुहलतापूर्ण चोर आँखा भन्दा धेरै गुणा रौसले भरिएको छ ।